సినిమాపేరు : ప్రేయసి రావే || సంగీత దర్శకుడు : ఎం .ఎం .శ్రీలేఖ || గీత రచయిత : సిరివెన్నెల సీతారామ శాస్త్రి || పాడిన వారు : ఎస్ .పి.బాలసుబ్రమణ్యం ,కే .ఎస్. చిత్ర
పల్లవి :
నీకోసం నీకోసం జీవించ చిలకా
నా ప్రాణం నీవేనే మణితునికా
నాకోసం నాకోసం నిన్నే నా జతగా
ఏ దైవం పంపెనో బహుమతిగా
నిన్నూ నన్నూ పెనవేసే ప్రేమే సాక్షిగా
కన్నూ కన్నూ కలబోసే కలలే పండగా
మిన్నూ మన్నూ ఏకం చేద్దాం హరివిల్లుగా
చరణం 1
నాకోసం నాకోసం నిన్నే నా జతగా
ఏ దైవం పంపెనో బహుమతిగా
నా ఊపిరిలో ఉయ్యాలేసి నూరేళ్ళ కాలం
నిను లాలించాలి వెచ్చని కలల్ని పంచాలీ
నీ స్నేహంలో స్నానం చేసి నా కన్నె దేహం
తరించిపోవాలి తీయని స్వరాలూ పాడాలీ
పరులకు ఎన్నడూ తెలియని చల్లని చెలిమితో
ఈ నా అనురాగం నీ గుండెనే మీటనీ
విరహపు వేడికి కనబడకా విడవని జోడుగా ముడిపడగా
అల్లే ఈ బంధం కలకాలం ఉండిపోనీ
నీకోసం నీకోసం జీవించ చిలకా
నా ప్రాణం నీవేనే మణితునికా
చరణం 2
కాసేపైనా కల్లోనైనా నీ ఊహలేనీ
క్షణాలు ఉన్నాయా ఒంటరి తనాలు ఉన్నాయా
ఎం చేస్తున్నా ఎటు చూస్తున్నా
నీ రూపులోనే ప్రతీది చూస్తున్నా
నిన్నే ప్రపంచమంటున్నా
మమతలు చిందిన మధువుల విందుకు
అతిధులుగా ఆహ్వానిద్దాం ఆరారు కాలాలనీ
అలలకు అందని జాబిలినీ వెన్నెల వానగా దించుకునే
గెలిచే సంద్రంలా సంతోషం పొంగి పోనీ
నాకోసం నాకోసం నిన్నే నా జతగా
ఏ దైవం పంపెనో బహుమతిగా
నిన్నూ నన్నూ పెనవేసే ప్రేమే సాక్షిగా
కన్నూ కన్నూ కలబోసే కలలే పండగా
మిన్నూ మన్నూ ఏకం చేద్దాం హరివిల్లుగా
