సినిమాపేరు : మల్లేశ్వరి || సంగీత దర్శకుడు :కోటి || గీత రచయిత : సిరివెన్నెల సీతారామ శాస్త్రి || పాడిన వారు : సునీత
పల్లవి:
నీ నవ్వులే వెన్నెలనీ
మల్లెలనీ హరివిల్లులనీ
ఎవరేవేవో అంటే అననీ
ఏం చెప్పను ఏవీ చాలవనీ
నీ నవ్వులే వెన్నెలనీ
మల్లెలనీ హరివిల్లులనీ
ఎవరేవేవో అంటే అననీ
ఏం చెప్పను ఏవీ చాలవనీ
చరణం1
బంగారం వెలిసిపోదా నీ సొగసుని చూసి
మందారం మురిసిపోదా నీ సిగలో పూసి
వేవేల పువ్వులను పోగేసి
నిలువెత్తు పాలబొమ్మని చేసి
అణువణువు వెండివెన్నెల పూసి
విరితేనెతోనే ప్రాణం పోసి
ఆ బ్రహ్మ నిన్ను మళ్లీ మళ్లీ చూసి
తన్ను తానే మెచ్చుకోడా ముచ్చటేసి
ఎవరేవేవో అంటే అననీ
ఏం చెప్పను ఏవీ చాలవనీ
చరణం2
పగలంతా వెంటపడినా చూడవు నావైపు
రాత్రంతా కొంటె కలవై వదలవు కాసేపు
ప్రతిచోట నువ్వే ఎదురొస్తావు
ఎటు వెళ్లలేని వల వేస్తావు
చిరునవ్వుతోనే ఉరివేస్తావు
నన్నెందుకింత ఊరిస్తావు
ఒప్పుకోవేం నువ్వు చేసిందంతా చేసి
తప్పు నాదంటావా నానా నిందలేసి
నీ నవ్వులే వెన్నెలనీ
మల్లెలనీ హరివిల్లులనీ
ఎవరేవేవో అంటే అననీ
ఏం చెప్పను ఏవీ చాలవనీ
