సినిమాపేరు : మల్లేశ్వరి || సంగీత దర్శకుడు :కోటి || గీత రచయిత : సిరివెన్నెల సీతారామ శాస్త్రి || పాడిన వారు : చిత్ర,కే కే
పల్లవి:
నువు ఎవ్వరి ఎదలో పువ్వుల ఋతువై ఎప్పుడు వస్తావో
నిను నమ్మిన జతలో నవ్వులు చిదిమి ఎందుకు పోతావో
తెలియదే ఎవ్వరికీ ….తేలదే ఎన్నటికీ…..
అందుకే నీ కధకీ …. అంతులేదెప్పటికీ….
తీరాలులేవే ప్రేమా… నీ దారికి
చరణం1
కలతలే కోవెలై కొలువయే విలయమా…
వలపులో నరకమే వరమనే విరహమా….
తాపమే దీపమా..వేదనే వేదమా….
శాపమే దీవెనా నీకిదే న్యాయమా….
కన్నీరు అభిషేకమా నిరాశ నైవేద్యమా
మదిలో మంటలే యాగమా….
ప్రణయమా ……
నువు ఎవ్వరి ఎదలో పువ్వుల ఋతువై ఎప్పుడు వస్తావో
నిను నమ్మిన జతలో నవ్వులు చిదిమి ఎందుకు పోతావో
చరణం2
రెప్పలే దాటదే ఎప్పుడూ ఏ కల….
నింగినే తాకదే కడలిలో ఏ అల..
నేలపై నిలవదే మెరుపులో మిలమిల
కాంతిలా కనబడే …. భ్రాంతి ఈ వెన్నెల….
అరణ్యాల మార్గమా… అసత్యాల గమ్యమా….
నీతో పయనమే పాపమా
ప్రణయమా…
నువు ఎవ్వరి ఎదలో పువ్వుల ఋతువై ఎప్పుడు వస్తావో
నిను నమ్మిన జతలో నవ్వులు చిదిమి ఎందుకు పోతావో
తెలియదే ఎవ్వరికీ ….తేలదే ఎన్నటికీ…..
అందుకే నీ కధకీ …. అంతులేదెప్పటికీ….
తీరాలులేవే ప్రేమా… నీ దారికి
