సినిమాపేరు : స్వర్ణకమలం || సంగీత దర్శకుడు : ఇళయరాజా | గీత రచయిత : సిరివెన్నెల సీతారామ శాస్త్రి || పాడిన వారు :జానకి
పల్లవి:
ఆకాశంలో ఆశల హరివిల్లు
ఆనందాలే పూసిన పొదరిల్లు
అందమైన ఆ లోకం అందుకోనా
ఆదమరిచి కలకాలం ఉండిపోనా
చరణం1
మబ్బుల్లో తూలుతున్న మెరుపైపోనా
వయ్యారి వానజల్లై దిగిరానా
సంద్రంలో పొంగుతున్న అలనైపోనా
సందెల్లో రంగులెన్నో చిలికేనా
పిల్లగాలే పల్లకీగా దిక్కులన్నీ చుట్టిరానా
నా కోసం నవరాగాలే నాట్యమాడెనుగా
చరణం2
స్వర్గాల స్వాగతాలు తెలిపే గీతం
స్వప్నాల సాగరాల సంగీతం
ముద్దొచ్చే తారలెన్నో మెరిసే తీరం
ముత్యాల తోరణాల ముఖద్వారం
శోభలీనే సొయగాన చందమామ మందిరాన
నా కోసం సురభోగాలే వేచినిలిచెనుగా
ఆకాశంలో ఆశల హరివిల్లు
ఆనందాలే పూసిన పొదరిల్లు
అందమైన ఆ లోకం అందుకోనా
ఆదమరిచి కలకాలం ఉండిపోనా
