సినిమాపేరు : అల్లరి ప్రియుడు || సంగీత దర్శకుడు : ఎం.ఎం.కీరవాణి || గీత రచయిత : సిరివెన్నెల సీతారామ శాస్త్రి || పాడిన వారు : ఎస్.పీ.బాలసుబ్రమణ్యం
పల్లవి:
అహో ఒక మనసుకు నేడే పుట్టిన రోజు
అహో తన పల్లవి పాడే చల్లని రోజు
ఇదే ఇదే కుహూ స్వరాల కానుక
మరో వసంత గీతిక జనించు రోజు(అహో)
చరణం1
మాటా పలుకు తెలియనిది
మాటున ఉండే మూగ మది
కమ్మని తలపుల కావ్యమయే
కవితలు రాసే మోనమది
రాగల రోజుల ఊహలకి
స్వాగతమిచ్చే రాగమది
శ్రుతిలయలెరుగని ఊపిరికి
స్వరములు కూర్చే గానమిది
ఋతువుల రంగులు మార్చేది
కల్పన కలిగిన మది భావం
బ్రతుకును పాటగ మలిచేది
మనసున కదిలిన మృదునాదం
కలవని దిక్కులు కలిపేది
నింగిని నేలకు దింపేది
తనే కదా వారధి
క్షణాలకే సారధి మనస్సనేది(అహో)
చరణం2
చూపులకెన్నడు దొరకనిది
రంగు రూపు లేని మది
రెప్పలు తెరవని కన్నులకు
స్వప్నాలెన్నో చూపినది
వెచ్చని చెలిమిని పొందినది
వెన్నెల కళ గల నిండుమది
కాటుక చీకటి రాతిరికి
బాటను చూపే నేస్తమది
చేతికి అందని జాబిలిలా
కాంతులు పంచే మణిదీపం
కొమ్మల చాటున కోయిలలా
కాలం నిలిపే అనురాగం
అడగని వరములు కురిపించి
అమృతవర్షిని అనిపించే
అమూల్యమైన పెన్నిధి
శుభోదయాల సన్నిధి మనస్సనేది(అహో)
అహో ఒక మనసుకు నేడే పుట్టిన రోజు
అహో తన పల్లవి పాడే చల్లని రోజు
ఇదే ఇదే కుహూ స్వరాల కానుక
మరో వసంత గీతిక జనించు రోజు(అహో)
