సినిమా పేరు: సీతమ్మ వాకిత్లో సిరిమల్లేచెట్టు || సంగీత దర్శకుడు : మిక్కీ జె మేయర్ || గీత రచయిత: సిరివెన్నెల సీతారామ శాస్త్రి || గాయకుడు : శ్రీరామ చంద్ర,కార్తీక్
పల్లవి:
మేఘాల్లో సన్నాయి రాగం మోగింది మేళాలు తాళాలు వినరండి
సిరికి శ్రీ హరికి కళ్యాణం కానుంది శ్రీరస్తు శుభమస్తు అనరండి..
అచ్చ తెలుగింట్లో పెళ్ళికి అర్ధం చెప్తారంటూ
మెచ్చదగు ముచ్చట ఇది అని సాక్ష్యం చెబుతామంటూ
జనులంతా జై కొట్టేలా జరిపిస్తామండి..
అందాల కుందనపు బొమ్మవని జత చేరుకున్న ఆ చందురిని
వందేళ్ల బంధమై అల్లుకుని చెయ్యందుకోవటే ఓ రమణి
చరణం1
ఇంతవరకెన్నో చూశాం అనుకుంటే సరిపోదుగా
ఎంత బరువంటే మోసే దాకా తెలియదుగా
ఇంతమందున్నాంలే అనిపించే బింకం చాటుగా కాస్తైన కంగారు ఉంటుందిగా
నీకైతే సహజం తీయని బరువై సొగసించే బిడియం
పనులెన్నో పెట్టి మాటలలో వచ్చిందే ఈ సమయం
మగాళ్లమైనా ఏం చేస్తాం సంతోషంగా మోస్తాం
ఘనవిజయం పొందాకే తీరిగ్గా గర్విస్తాం
అందాల కుందనపు బొమ్మవని జత చేరుకున్న ఆ చందురిని
వందేళ్ల బంధమై అల్లుకుని చెయ్యందుకోవటే ఓ రమణి
చరణం2
రామచిలకలతో చెప్పి రాయించామే పత్రిక
రాజహంసలతో పంపి ఆహ్వానించాంగా
కుదురుగా నిమిషం కూడా నిలబడలేమే బొత్తిగా
ఏమాత్రం ఏచోట రాజీ పడలేక
చుట్టాలందరికీ ఆనందంతో కళ్లు చమర్చేలా
గిట్టని వాళ్లైనా ఆశ్చర్యంతో కన్నులు విచ్చేలా
కలల్లోనైనా కన్నామా కథలైనా విన్నామా
ఈ వైభోగం అపురూపం అనుకుంటారమ్మా
అందాల కుందనపు బొమ్మవని జత చేరుకున్న ఆ చందురిని
వందేళ్ల బంధమై అల్లుకుని చెయ్యందుకోవటే ఓ రమణి
మేఘాల్లో సన్నాయి రాగం మోగింది మేళాలు తాళాలు వినరండి
సిరికి శ్రీ హరికి కళ్యాణం కానుంది శ్రీరస్తు శుభమస్తు అనరండి..
అచ్చ తెలుగింట్లో పెళ్ళికి అర్ధం చెప్తారంటూ
మెచ్చదగు ముచ్చట ఇది అని సాక్ష్యం చెబుతామంటూ
జనులంతా జై కొట్టేలా జరిపిస్తామండి..
అందాల కుందనపు బొమ్మవని జత చేరుకున్న ఆ చందురిని
వందేళ్ల బంధమై అల్లుకుని చెయ్యందుకోవటే ఓ రమణి
