సినిమాపేరు : ఒకరికి ఒకరు || సంగీత దర్శకుడు : కీరవాణి | గీత రచయిత : సిరివెన్నెల సీతారామ శాస్త్రి || పాడిన వారు : శ్రేయ గోషాల్
పల్లవి :
వెళ్ళిపోతే ఎలా మనసా ఎటో అలా
అయినా ఎందుకిలా తడబాటు అంతలా
తెగ హుషారుగా ఎగిరిపోకే తగని ఊహ వెంట
సరైన దారి తెలియందే ఈ ఉరుకులెందుకంట
చరణం1
ఆమె వలలో చిక్కుకుందా సమయం
ప్రేమ లయలో దూకుతుందా హృదయం
నేను ఇపుడు ఎక్కడ ఉన్నానంటే
నాక్కూడ అంతు చిక్కకుంటే
గమ్మత్తుగానే ఉన్నదంటే
నాకేదో మత్తు కమ్మినట్టే
రమ్మంది గాని నన్ను చేరి మెరుపు సైగ చేసి
చెప్పింది నింగి చెలిదారి చినుకు వంతెనేసి
వెళ్ళనంటే ఎలా మనసా అటే అలా
వెళ్ళనంటే ఎలా ఎలా
చరణం2
తాను కూడ రాకపోతే నాతో
నేను కూడ ఆగిపోనా తనతో
నా ప్రాణం ఉంది తన వెంటే
నా ఊపిరుంది తాననంటే
కళ్ళార చూసానంటు వుంటే
ఎట్టా నమ్మేది స్వప్నమంటే
వెనక్కి వెళ్ళి వెతకాలి తిరిగి ఆ క్షణాన్ని
మరొక్కసారి చూడాలి కనులు ఆ నిజాన్ని
వెళ్ళనంటే ఎలా మనసా అటే అలా
వెళ్ళనంటే ఎలా ఎలా
వెళ్ళిపోతే ఎలా మనసా ఎటో అలా
అయినా ఎందుకిలా తడబాటు అంతలా
తెగ హుషారుగా ఎగిరిపోకే తగని ఊహ వెంట
సరైన దారి తెలియందే ఈ ఉరుకులెందుకంట
