సినిమాపేరు : గౌతమ్ ఎస్ ఎస్ సి || సంగీత దర్శకుడు : అనూప్ రూబెన్స్ || గీత రచయిత : సిరివెన్నెల సీతారామ శాస్త్రి || పాడిన వారు : రేషన్ ,ఉదయ్ రూబెన్స్
పల్లవి :
మది లయలో కథకళివో, మధనపడే నాలో అలజడివో
తొలకరి మెరుపే తగిలినదేమో, తలవని తలపై వెంటాడే తొలి వలపేమో
చరణం1
పరుగులు ఆపే పరవశమా, పలుకులు నేర్పే సుమశరమా!
ఈ మైకం తమవలనేమో – ఏమో ఏమో ఏమో
నీ సంగతి నీకే ఎరుక – నేనేం చెబుతా చిలకా
నాకేమీ తెలియదు గనుక అడగకే జాలిగా
జరిగినదిదియని ఎవరికి తెలుసునట?
తొలకరి మెరుపే తగిలినదేమో, తలవని తలపై వెంటాడే తొలి వలపేమో!
చరణం2
లీలగ సాగే వేడుకలో, వీలుగ లాగే వెల్లువలో పడిపోయా తలమునకలుగా
లోలోగల కలవరమింకా నీలో మొదలవలేదే
లైలావల మెలివేసాక నిలకడే ఉండదే
తదుపరి మలుపులు ఎటు మరి మన కథలో!
మది లయలో కథకళివో, మధనపడే నాలో అలజడివో
తొలకరి మెరుపే తగిలినదేమో, తలవని తలపై వెంటాడే తొలి వలపేమో
