సినిమాపేరు : కంచె || సంగీత దర్శకుడు :చిఱన్తాన్ భట్ || గీత రచయిత : సిరివెన్నెల సీతారామ శాస్త్రి || పాడిన వారు : కీర్తి
పల్లవి
నీకు తెలియనిదా నేస్తమా
చెంత చేరననే పంతమా
నువు నేనని విడిగా లేమని
ఈ నా శ్వాసని నిను నమ్మించనీీ
విద్వేషం పాలించే దేశం ఉంటుందా
విద్వేషం పాలించే దేశం ఉంటుందా
విధ్వంసం నిర్మించే స్వర్గం ఉంటుందా
ఉండుంటే అది మనిషిది అయిఉంటుందా
అడిగావా భూగోళమా
నువ్వు చూసావా ఓ కాలమా
చరణం1
రా ముందడుగేద్దాం
యుద్ధం అంటే అర్థం ఇది కాదంటూ
సరిహద్దుల్నే చెరిపే సంకల్పం అవుదాం
ప్రేమను మించిందా బ్రహ్మాస్త్రమైనా
ప్రేమను మించిందా బ్రహ్మాస్త్రమైనా
ఆయువు పోస్తుందా ఆయుధమేధైనా
రాకాసుల మూకల్లే మార్చదా పిడివాదం
రాబందు ల రెక్కల సడి ఏ జీవన వేదం
సాధించేదేముందీ ఈ వ్యర్ధ విరోధం
ఏ సస్యం పండించదు మరు భూముల సేద్యం
రేపటి శిశువుకు పట్టే ఆశల స్తన్యం
ఈ పూటే ఇంకదు అందాం
నేటి ధైన్యానికి ధైర్యం ఇద్దాం
చరణం2
రా ముందడుగేద్దాం
యుద్ధం అంటే అర్థం ఇది కాదంటూ
సరిహద్దుల్నే చెరిపే సంకల్పం అవుదాం
అందరికి సొంతం అందాల లోకం కొందరికే ఉందా పొందే అధికారం
మట్టి తోటి చుట్టరికం మరిపించే వైరం
గుర్తిస్తుందా మనిషికి మనిషితోటి బంధం
ఏ కళ్యాణం కోసం ఇంతటి కల్లోలం
నీకు తెలియనిదా నేస్తమా
ఎవ్వరి క్షేమం కోసం ఈ మారణ హోమం
చెంత చేరననే పంతమా
ఖండాలుగ విడదీసే జండాలన్ని
తలవంచే తలపే అవుదాం ఆ తలపే మన గెలుపని అందాం
